Posts

Эрүүл мэндийн тухай

Японд ирээд 2 удаа түргэний машинаар хүргэгдэж байсан юм. Эхнийх нь: эвгүй амттай санагдсан хоолоо за гайгүй биз гээд идсний дараа бүтэн өдрийн турш гэдэс өвдөж сүүлдээ хүчилтөрөгчийн дутагдлаас болж гар, хөл бадаарч тэсэлгүй дотуур байрны охиноос тусламж гуйсан нь эцэстээ түргэн дуудахад хүргэсэн. Уг нь дэлгүүрээс авсан юу ч билээ халаасан санагдаж байна. Муудсандаа ч биш сэтгэлд сэвтэй, сонин амттай байна гэж би дотроо хүлээж авснаас болсон хэрэг. Тэр явдлаас хойш идэж байгаа хоолны амт онцгүй санагдвал шууд больдог болсон. Дараах нь: галт тэрэгний буудлын нойлд мөн л хаана өвдөөд байгаа нь мэдэгдэхгүй, гэдэсний хаа нэгтээ өвдөөд ганцаараа бахирч байгаад ашгүй нойлд орж ирсэн 2 эмэгтэй тусламж дуудах уу гээд дуудаж өглөө. Энэ удаад эмэгтэйчүүдийн асуудал байж. Энэ удаагийн туршлагаас ойлгож авсан зүйл: - Амьдралын хэвшил алдагдаж, ялангуяа завгүй байх тусам хэсэгтээ гүрийж байгаад нэг амсхийх үед сар бүрийн сараа эгчийн хэмнэл ч тэр хугацаагаар алдагдаж, гүрийж байсны үр дүн нь огцом
Post a Comment
Read more

Гэрлэж буй хосод ямар бэлэг зүгээр вэ?

Их сургуулийн Япон найз тусдаа гарахаар болсноо хуваалцаж Солонгос найзтайгаа юу бэлэглэх тухай ярилцав. Тусдаа гарах бэлтгэл болгож тавилгуудаа одооноос цуглуулж байгаа, шийдэхэд ямархуу байгаа тухайгаа хуваалцсан болохоор бид хэрэгтэй зүйлдээ өөрөө зарцуулахаар мөнгөтэй хамт нэг зүйл өгөхөөр шийдлээ.  Японд гэрлэж буй хостой ямар холбоотой гэдгээсээ шалтгаалаад өгөхөд зохихуйц мөнгөн дүнгийн хэмжээтэй, мөн мөнгө хийх дугтуйндаа "сондгой" тооны мөнгөн дэвсгэрт хийх гэсэн дүрэмтэй байдаг юм байна.  Мэдээж мөнгөнөөс гадна бусад бэлэгний сонголтууд олон бий л дээ.  Миний хувьд бол өөрсдөө зорьж мөнгө зарж бэлдэхгүй хэрнээ, байвал зоолттой хэрэг болох эд зүйл зүгээр юм болов уу гэж бодогдож байлаа. Харин дийлэнхи бэлэгний сонголтуудад: хос алчуур, хос аяга, нэрсийг нь бичсэн хос зүйлс, эсвэл хосоороо аялах тансаг зэрэглэлийн буудал зэрэг ордог юм байна. Монголд найзууд хоорондоо, хамаатнууд, ах дүүс болон ажлынхан ер нь ямар бэлэг өгдөг юм бол?
Post a Comment
Read more

Жолооны курст бүртгүүлэв

Японд жолооны курст бүртгүүлэхэд ямар байдаг тухай танилцуулмаар санагдлаа. (Энд би Монгол улсад ямар байдаг тухай огт мэдлэггүй хүний үүднээс, анхан шатны хүнд зориулж бичиж байгаа.) Эхлээд сургалтын төрлийг танилцуулая. Томоор хуваагаад 2 төрлийн сургалт бий. Нэг нь гашшүкү буюу бөөндөө нэг дор байрлаж байгаад дор хаяж 14 хоногийн гүнзгийрүүлсэн сургалт. Нөгөө нь, сургуульд явдагтай адил тогтсон цагаар очиж хичээллэх. Дийлэнхи Япончуудын хувьд оюутны амралтаараа гашшүкүд явах нь их байдаг болов уу. Учир нь, гашшүкүг хөдөө газар хийвэл илүү зардал багатай байдаг. Харин, миний хувьд оюутан байхдаа явж чадаагүй учир, ажлынхаа хуваарьт тааруулаад очиж байхаар болов. Үнэмлэх авхад 2 шатны шалгалт өгөх ёстой. Эхний шатны шалгаруулалт: Онолын хичээл 10 цаг, дром дээр дор хаяж 15 цаг (механик)/ 12 цаг (автомат) дадлага хийсэн байх ёстой. Түүний дараа бичгийн шалгалт өгч “таамгийн буюу 仮” үнэмлэхтэй болно.  Хоёрдугаар шатны шалгаруулалт: Онолын 16 цагийн хичээл, дромын дор хаяж 19 цагийн дадл
Post a Comment
Read more

“Гэнэтийн” гэнэтийн бэлэг... (дурсамж сэргэв)

 Ойролцоогоор 3 жил гарангийн өмнө юм уу даа, төрсөн өдрийн гэнэтийн бэлэг гэж нэг ном шуудангаар ирсэн юм. Гэнэтийн бэлэг юм чинь гээд баярлаж хүлээж авсан биз гэж бодогдож магадгүй ч, би бол эсрэгээрээ уурласан үйл явдал болсон юм. Учир юу вэ гэхээр, танихгүй шахуу, уулзаж ч байгаагүй хүн миний гэрийн хаяг, хувийн утасны дугаарыг минь олж мэдэх боломжтой байгаад би уурласан хэрэг. Шууд л утсаа аваад миний хувийн мэдээллийг мэдэх боломжтой цор ганц үеийнхээ групп дээр уурласан хэрэг. Хэн нь миний зөвшөөрлийг асуухгүйгээр дураараа танихгүй хүн амьтанд хувийн мэдээлэл өгчихсөн юм бэ? гэж.. Түүнд зарим нь, ялангуяа охид “гэнэтийн бэлэг” авсан бол гоё л юм бишүү, юун сүртэй юм бэ гэсэн хандлагатай байлаа.  Харин, түрүү жил байна уу даа? Netflix-ийн нэг сталкертэй киног тухайн үедээ намайг overreaction хийж байна гэж байсан нэг нь үзээд нилээн өөрт нь туссан шинжтэй байсан. Одоо тухайн үеийн надад юун сүртэй юм гэж хэлэх болов уу? Гэж хааяа боддог юм. Тээр нэг жил нэг найзынхаа гэрт холоос
Post a Comment
Read more

Ажилчин анги болсон нь [24 нас]

4 жилийн турш өмнөх бүх постоо далд хийчихсэн байсныгаа зарим постоо сэргээв. Блогоо сэргээж эргээд жоохон идэвхитэй байх гэж хичээнээ. Саяхан хэдэн хүнтэй өөрийн ажлын байдал, ажил хайлтын тухай ярилцаад ямар замналтайгаар одоогийн ажилдаа орсноо, юунд илүү анхаарч байснаа санав. Японд бол төгсхөөс ерөнхийдөө 2 жилийн өмнөөс ирээдүйн карьертээ илүү анхаарч эхлэнэ. Миний хувьд баклаврын 3-р курстаа магистртаа үргэлжлүүлж сурна гээд бодчихсон, найзууд маань ажил хайлтдаа анхаарч эхлэсэн байхад хажууд нь их л завтай явж байсан. Гэхдээ элдэв компанийн танилцуулах уулзалтанд очсон хүмүүсээс яриаг нь байнга сонсож байлаа. Нэг удаа олон улсад салбартай нэг компанийн Вьетнамруу Японоос сонгосон оюутнуудаа явуулж дадлага хийлгэнэ гэсэн мэдээллийг аваад найзуудыгаа дагаад очив. Тухайн үедээ танилцуулгыг сонсоод л өнгөрсөн намайг бусад найзууд чи ч гэсэн бүртгүүлээд үз гэж хэлсээр байгаад бүртгэлийн хамгийн сүүлчийн өдөр цаг нь дуусахаас хэдхэн минутын өмнө материалаа бичээд явуулж бил
Post a Comment
Read more

"Something that belongs to you" by Roald Hoffman (Ноён Хоффман багшийн өөрийн амьдралаас сэдэвлэсэн жүжиг)

 2016.11.05-ны Бямба гарагт химич, Нобелийн шагналт ноён Хоффманы Дэлхийн 2-р дайны үед туулж гарсан амьдралынх нь талаар жүжгийг үзэх боломж гарсан юм. Уг жүжиг нь эхлэхдээ, бурхан ба хэд хэдэн сахиусан тэнгэрүүдийн хоорондох харилцан яриагаар эхлэнэ.  Бурхан хүнийг бүтээх үү? эс бүтээх үү? гэж эргэлзэж, үнэн бодит байдал болон, хайр, амар амгалан гэх зэргээр нэрлэсэн сахиусан тэнгэрүүд өөрсдийн санал бодлоо хуваалцана. Мэдээж хэрэг санал нийлэх болон зөрөх байдлаар үнэн бодит байдлын сахиусан тэнгэр хэт их сэтгэлийн хөөрөлд орсны улмаас үгүй болж одно. Гэхдээ бас энэ дундаа жижигхээн сахиусан тэнгэрийн хошигнол яригдана. "Нэг өдөр цэнхэр сахиусан тэнгэр загасны толгой идэж байхад улаан сахиусан тэнгэр ирээд асуужээ. -Хүе цэнхэр сахиусан тэнгэрээ, та нар цэнхэрүүд яагаад ухаантай байдаг юм бэ? -Өө, тэр чинь бид энэ загасны толгой иддэгээс болж байгаамөө. Харж байна уу? энэ чинь толгой шүү дээ. Хэрэв чи хүсвэл би чамд 18 купекээр зарж болно шүү. гээд 18 купекээр зарсны дараа х
Post a Comment
Read more

Дадлага-1

 Энэ жил зуныхаа амралтаар Монголруу харихынхаа оронд дадлага хийнгээ, ийш тийш газар үзэж амарч өнгөрөөснийг мэдэж байгаа байх.  Дадлагаа ямар газар юу хийж өнгөрөөсөн талаараа жоохон цухуйлгадаг юм уу гэж бодоод. Юуны түрүүнд Японд дадлага хийх газар яаж хайдаг талаар тайлбарлая.  3-р курс болон Магистрийн 1-р курсын оюутнууд голчилж зуны дадлагажилтанд хамрагддаг. Манай сургууль дээр тусгайчлан олон байгууллага, компаниас ирж уулзалт ярилцлага зохион байгуулдаг бөгөөд агуулга нь яаж дадлага хийх газраа олох болон ажил хайх хүртэл юу хийх вэ гэсэн талаар. Японд голдуу дадлагын оюутан сонгож авахдаа цаашдаа компанийн шинэ ажилчин болж болохоор хүн байна уу гэдгийг нь хардаг. Нэг ёсны шинээр төгсөөд ажилд орох хүсэлтэй оюутнуудаа эртнээс хайж байгаа гэсэн үг юм.  Тиймээс зун 8,9 сард хийх дадлагыг бүр 5,6сараас эхлээд материалаа явуулж, хэд хэдэн үе шаттайгаар шалтгалт, ам ярилцлаганд орох замаар бэлдэж сонгодог. Ингэж эртнээс маш олон оюутнууд дадлага хайж эхэлдэгтэй холбогдуулан а
Post a Comment
Read more